nova derrota na casa

Novo desastre na casa

STA. COMBA 0  -  SD. CASTROVERDE 2

STA. COMBA: Óscar, Asier (Leandro 80´), Adrián, Moncho, Rafa (Emilio 83´); Pibe (Pupus 83´), Lucas, Manu, Marcos (Diego 60´); Iván e Pablo (Cupeiro 75´).

CASTROVERDE: Marcos, Óscar, Bruno, Pereira, Javi; Iago (Toño 75´), Albino (Richard 32´ (Tino 63´)), Marcos, Jose; Carlos e Juan.

ÁRBITRO: Fraga Torres (Lugo)

CA: Locais Pibe e Manu.

GOLES: 0-1 Jose 40´  /  0-2 Adrián (p.p.) 50´

O Sta. Comba volve á crúa realidade despois da goleada diante do Arenas ó perder en Tras do Novo por 0-2 contra o Castroverde nun mal partido. Mala primeira metade, anaco de reacción na segunda e xusta derrota diante dun equipo que foi superior en moitas facetas do xogo a un cadro local perdido en imprecisións e cun estado de ánimo que non é o mellor para competir. Cando non tiramos todos para o mesmo lado pasan estas cousas, agora ben, desculpas nunca faltan.

Os primeiros 45´ foron de clara superioridade visitante. O Castroverde tocaba mellor a pelota, os seus xogadores adiantábanse na maoiría das accións e o seu posicionamento deixaba sen capacidade de resposta ós locais. Avisaron no minuto 20 cunha magnífica acción individual de Carlos que rematou ó poste da portería defendida por Óscar e adiantáronse no 40 nunha rápida contra a saída dun fóra de banda a favor do Sta. Comba. O balón chegou ós pés de Richard que, cun certeiro pase, habilitou a Jose para que este superara a saída de Óscar e levara o 0-1 ó marcador. Nos minutos finais puido empatar o Sta. Comba nunha boa xogada de Iván, pero Pablo pecou de parsimonia para rematar.

O partido quedou sentenciado no minuto 50 da reanudación cando Adrían, nun fallo de rexeite, marcou en propia meta o 0-2. A partir de aí o Sta. Comba puxo algo máis de gañas e levou algo de perigo sobre a meta dun seguro Marcos, con balóns colgados e cos centros dun activo Lucas, aínda que sen dispoñer de ocasións claras. O Castroverde, pola súa banda, si que estragou algunha  para aumentar a avantaxe.

Malas sensacións as que sigue amosando o Sta. Comba e, o que é peor, que non se atisba moita capacidade de reacción. Boa imaxe do Castroverde que, polo visto hoxe, debería estar máis arriba na clasificación, aínda que nós somos especialistas e facer bos a todos os rivais.

Como receitas máxicas non hai e un xa está bastante cansado de lanzar peroratas ó vento, esperaremos a ver o que este nos trae. De momento, creo que bastante frío, aínda que como di o “slogan” de moda, malo será que morramos con el.